Rydym wedi gosod ReadSpeaker webReader, sy'n caniatáu i ymwelwyr drosi cynnwys ar-lein yn sain ar unwaith ar ein gwefan.
Cliciwch ar yr eicon uchod i roi cynnig arni, a manteisiwch ar yr ystod lawn o nodweddion defnyddiol Darllenyddwe trwy glicio ar y ddolen isod.
Gwefan Readspeaker
Mae'r datganiad hygyrchedd hwn yn berthnasol i www.archwilio.cymru. Mae'r wefan hon yn cael ei rhedeg gan Archwilio Cymru. Rydym am i gynifer o bobl â phosibl allu defnyddio'r wefan hon.
Gweld datganiad hygyrchedd
Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau nad ydynt wedi'u rhestru ar y dudalen hon neu'n credu nad ydym yn bodloni gofynion hygyrchedd, cysylltwch â:
post@archwilio.cymru
Rydym wedi cyhoeddi ein Cynllun Blynyddol ar gyfer 2024-25 sy'n amlinellu ein blaenoriaethau ar gyfer y 12 mis nesaf
Mae gwasanaethau cyhoeddus Cymru yn wynebu pwysau enfawr yn ariannol, o ran galw ac yn y gweithlu.
Er bod yn rhaid i gyrff cyhoeddus wneud eu penderfyniadau eu hunain ynghylch sut i fynd i’r afael â’r heriau hynny, mae archwiliadau cyhoeddus annibynnol yn rhoi rhybudd cynnar o broblemau sy’n codi, yn amlygu cyfleoedd i wella gwerth am arian, ac yn cefnogi dulliau llywodraethu a rheoli ariannol da.
Mae’r Cynllun Blynyddol hwn yn disgrifio sut rydym yn bwriadu gwneud hynny yn y flwyddyn sydd i ddod, gan roi’r wybodaeth a’r sicrwydd sydd eu hangen ar y cyhoedd, y Senedd, ar y rhai sy’n gwneud penderfyniadau a’r dylanwadwyr ynghylch pa mor dda y mae arian cyhoeddus yn cael ei wario.
i bobl bod arian cyhoeddus yn cael ei reoli’n dda
sut mae’r arian hwnnw’n cael ei wario
sector cyhoeddus i wella
Manteisio’n llawn ar ein safbwynt, ein harbenigedd a’n dyfnder unigryw ar fewnwelediad
Cryfhau ein safle fel llais awdurdodol, dibynadwy ac annibynnol
Cynyddu ein hamlygrwydd, dylanwad, a pherthnasedd
Bod yn sefydliad sy’n esiampl ar gyfer y sector cyhoeddus yng Nghymru a thu hwnt
Rhaglen archwilio strategol, ddeinamig o ansawdd uchel
Dull wedi’i dargedu ac sy’n cael effaith ar gyfathrebu a dylanwadu
Diwylliant a model gweithredu sy’n ein galluogi i ffynnu
Byddwn yn darparu rhaglen gynhwysfawr ac effeithiol o waith archwilio, yn unol â phwerau a dyletswyddau statudol yr Archwilydd Cyffredinol.
Er mwyn ein helpu i gyflawni ein gweledigaeth tymor hwy, byddwn yn gweithredu ar draws cyfres o flaenoriaethau cynllunio busnes allweddol, yn unol â’n tri maes pwyslais.
Rydym yn ymgymryd â’n gwaith yn unol â Safonau Archwilio Rhyngwladol a safonau cydnabyddedig eraill.
Gwneud gwaith archwilio lleol mewn dros 800 o gyrff cyhoeddus
Cyflwyno rhaglen o astudiaethau cenedlaethol
Ardystio cynlluniau grant gwerth bron i £1.5 biliwn
Cefnogi gwaith craffu effeithiol gan gynnwys gwaith pwyllgorau’r Senedd
Rhannu arferion da a’r hyn rydym yn ei ddysgu drwy archwilio i gefnogi’r gwasanaethau cyhoeddus a ddarperir
Hwyluso’r gwaith o ganfod twyll a gwall drwy’r Fenter Twyll Genedlaethol
Byddwn yn cynnal rhaglen o astudiaethau cenedlaethol ac yn paratoi allbynnau ychwanegol yn amlygu themâu cyffredin o’n gwaith archwilio lleol.
Rydym yn adolygu ein blaenraglen yn rheolaidd, gan ystyried yr amgylchedd allanol esblygol, ein hadnoddau ein hunain a gallu cyrff archwiliedig i ymgysylltu â ni. Rydym yn sicrhau bod digon o hyblygrwydd fel y gallwn ymateb yn effeithiol i faterion sy’n dod i’r amlwg sy’n peri pryder i’r cyhoedd neu’r senedd. Gall allbynnau ychwanegol ddeillio hefyd o waith ymchwil a datblygu parhaus.
Mae blaenraglen ddangosol o astudiaethau cenedlaethol 2023-2026 yr Archwilydd Cyffredinol yn canolbwyntio ar bedair prif thema
Mwy o wybodaeth am ein gwaith Cyflawni Archwiliad Mae fersiwn lawn ein Cynllun Blynyddol yn cynnwys mwy o fanylion am gyflawni ein gwaith archwilio gan gynnwys gwybodaeth am safonau archwilio ac esboniad o sut rydym yn dilyn y bunt gyhoeddus yng Nghymru. Defnyddiwch y botwm isod i lawrlwytho fersiwn PDF.
Rydym hefyd wedi nodi cyfres o ddangosyddion perfformiad allweddol i fesur ein cynnydd.
Mae fersiwn lawn ein Cynllun Blynyddol yn cynnwys mwy o fanylion am gyflawni ein gwaith archwilio a blaenoriaethau busnes gan gynnwys gwybodaeth am ein hamgylchedd gweithredu, meysydd risg allweddol, cyllid a sut rydym yn dilyn y bunt gyhoeddus yng Nghymru. Defnyddiwch y botwm isod i lawrlwytho fersiwn PDF.