Wrth i’r byd symud yn ei flaen, gan ddysgu o’r pandemig byd-eang, fe wnaeth yr adolygiad hwn ystyried sut y mae’r Cyngor yn cryfhau ei allu i drawsnewid, addasu a pharhau i ddarparu gwasanaethau, gan gynnwys y rhai a ddarperir mewn partneriaeth gyda rhanddeiliaid allweddol a chymunedau.

Yn gyffredinol, canfuom fod y Cyngor wrthi'n ystyried ffyrdd o weithio yn y dyfodol a'r effaith bosibl ar ei asedau a'i weithlu, ac mae angen iddo nawr gyfleu ei weledigaeth a'i gynllun tymor hirach yn ei strategaethau pobl a rheoli asedau newydd.