Ar y cyfan, canfuom fel a ganlyn: Cyfyngedig yw effaith craffu yng Nghaerffili, sy’n codi cwestiynau ynglŷn â’i werth am arian:

• mae rôl craffu’n cael ei deall gan swyddogion ac aelodau, ond yn ymarferol nid yw cyfrifoldebau wastad yn cael eu rhoi ar waith;
• cynigir hyfforddiant a chymorth i aelodau, ond mae ein canfyddiadau’n codi cwestiynau ynglŷn ag effaith yr hyfforddiant hwnnw;
• mae ymwneud cyfyngedig gan aelodau â gweithgarwch craffu ym maes cynllunio’n effeithio ar berchnogaeth aelodau ar eu gwaith;
• gall fod diffyg effaith o ganlyniad i gyfarfodydd pwyllgorau craffu;
• nid yw’r Cyngor yn mynd ati’n rhagweithiol i ennyn ymgysylltiad y cyhoedd â chraffu, ac nid yw’r cyhoedd wastad yn deall ei ddiben; ac
• nid yw’r Cyngor yn mynd ati’n llawn i werthuso effaith craffu na’i werth am arian.