Ar y cyfan, gwelsom fod y Cyngor wedi cryfhau ei drefniadau atal twyll, ers adroddiad yr Archwilydd Cyffredinol yn 2020. Bellach mae gan y Cyngor swyddog Atal Twyll penodol ac mae'n cydweithio'n dda â sefydliadau eraill wrth ddefnyddio ei offer a'i ddata. Mae wedi diweddaru ac adolygu ei bolisïau atal twyll, er bod cyfleoedd i gryfhau agweddau ar ei fframweithiau rheoli a rheoli risg twyll. Mae gan y Pwyllgor Llywodraethu ac Archwilio gyfle i adolygu a herio trefniadau a gweithgareddau atal twyll y Cyngor, ond mae lefel y drafodaeth wedi bod yn eithaf isel.