Nid yw trefniadau llywodraethu y Cyngor yn cefnogi’n llawn y newidiadau y mae’n dymuno eu cyflawni drwy ei ddull Powys Gynaliadwy. Mae gwendidau mewn trefniadau yn cynnwys: • esboniad cyfyngedig o beth yw Powys Gynaliadwy yng nghynllun corfforaethol y Cyngor a sut mae’n gydnaws â’i amcanion corfforaethol • nid yw’r Cyngor wedi diweddaru ei gyfansoddiad mewn modd amserol • nid yw blaenraglenni gwaith ar gyfer pwyllgorau yn gynhwysfawr • mae adroddiadau pwyllgor yn cael eu cyhoeddi’n hwyr yn aml • nid yw adroddiadau ar newidiadau arfaethedig i wasanaethau a’u heffeithiau yn cael eu nodi’n glir bob amser nac yn dangos yn llawn fod dull Powys Gynaliadwy yn cael ei gymhwyso • nid yw adroddiadau bob amser yn cael digon o amser arweiniol i alluogi gwaith craffu effeithiol • mae’r wybodaeth a ddefnyddir i fonitro’r cynnydd ac i asesu effaith a chanlyniadau newidiadau i wasanaethau yn gyfyngedig. Mae’r Cyngor eisoes wedi dechrau cymryd camau i fynd i’r afael â rhai o’r gwendidau llywodraethu a nodwyd.