Yn ein hadroddiad rydym yn canolbwyntio ar y rhwystrau sy’n wynebu cynghorau a’u partneriaid, ond rydym hefyd yn amlygu cyfleoedd i ddysgu o fannau eraill.

Canfum, er bod niferoedd nodedig o ddatblygiadau tir llwyd yn cael eu cyflawni gan gynghorau, y gallai adfywio gael ei gynyddu’n sylweddol gydag ymagwedd fwy systematig, ymyraethol a chydweithredol.

Trwy ddefnyddio dulliau llwyddiannus o fannau eraill a chynllunio â ffocws mwy penodol, gallai cynghorau fod wedi’u harfogi’n well i oresgyn rhwystrau sylweddol.

Yr hyn a ganfuom

• Mae gan gynghorau ddealltwriaeth eang ond nid cynhwysfawr am yr amgylchedd adeiledig a'r potensial ar gyfer adfywio.
• Er bod rhywfaint o adfywio’n cael ei gyflawni, mae'r ffocws yn dal i fod ar brosiectau 'haws' i’w cyflawni ac nid yw cynghorau bob amser yn mabwysiadu dull uchelgeisiol, ymyraethol i fynd i'r afael â rhwystrau hirsefydlog.
• Gall cynghorau enwi rhwystrau i adfywio tir llwyd ac ail-bwrpasu adeiladau gwag ond nid ydynt yn defnyddio gwersi o fannau eraill i'w goresgyn.
• Mae'n gryn her mesur cynnydd o ran adfywio tir llwyd oherwydd gwendidau mewn data a'r modd y caiff ei reoli.

Rydym yn disgwyl i Lywodraeth Cymru a chynghorau ystyried ein canfyddiadau a’n hargymhellion.