Mae ‘teithio llesol’ yn disgrifio cerdded a beicio, ar y cyd o bosibl â thrafnidiaeth gyhoeddus, ar gyfer teithiau pob dydd megis i weithle neu ysgol neu oddi yno, neu er mwyn defnyddio gwasanaethau a chyfleusterau iechyd, hamdden neu wasanaethau a chyfleusterau eraill. Fe wahaniaethir rhyngddo a cherdded a beicio at ddibenion hamdden yn unig.

Rydym wedi canolbwyntio ar drefniadau ar lefel genedlaethol a arweinir a/neu a reolir gan Lywodraeth Cymru a Trafnidiaeth Cymru.

Yr hyn a ganfuom

Er gwaethaf gwariant uwch trwy ei Chronfa Teithio Llesol a chynllun cyflawni newydd, mae Llywodraeth Cymru’n dal i fod ymhell o gyflawni’r newid sylweddol mewn teithio llesol y bwriadwyd ei ysgogi trwy Ddeddf Teithio Llesol (Cymru) 2013.

Rydym wedi cynhyrchu offeryn data i gyd-fynd â’r adroddiad hwn sy’n darparu rhagor o wybodaeth am lwybrau teithio llesol a gwariant gan awdurdodau lleol o’r gronfa Teithio Llesol.