Mae Awdurdod Gwella (yr Alban) wedi amcangyfrif bod Awdurdodau Lleol yr Alban yn gwario £6-8 miliwn bob blwyddyn i gyhoeddi hysbysiadau statudol mewn papurau newydd lleol a chenedlaethol. Mae hysbysiadau statudol yn cynnwys ymgynghoriadau cynllunio, hysbysiadau gwaith priffyrdd, ymgynghoriadau'r GIG, hysbysiadau cyhoeddus yr Awdurdodau Heddlu a Gwasanaethau Tân ac Achub a datganiadau cyfrifon.

Mae’r Gwasanaethau Cyhoeddus Albanaidd (Gwasanaeth Gwella) wedi gweithio gydag Asiantaethau Digidol Sector Preifat i ddatblygu dull sydd â’r potensial i leihau costau hysbysebu statudol (ac anstatudol) yn y wasg a chynyddu cyswllt a chyrchiad i’r wybodaeth gyhoeddus werthfawr yma.

Mae yna gyfleoedd ar gyfer:

• Lleihau costau cyhoeddi hysbysiadau statudol cyfredol o 20-30%
• Arbedion mwy drwy symud hysbysiadau statudol i gyd ar-lein
• Arbedion effeithlonrwydd ‘swyddfa gefn’ drwy well gweinyddiaeth o hysbysiadau statudol
• Cynyddu cyrchiad cyhoeddus hysbysiadau drwy sianeli digidol
• Cysylltu â chynigion ar-lein eraill i ddarparu darlun ehangach o weithredoedd lleol, yn y sectorau cyhoeddus, preifat a gwirfoddol (gwefannau hyper-leol).

Fe wnaeth Swyddfa Archwilio Cymru, CLlLC, Arfer Da Cymru ac Awdurdod Gwella (yr Alban) cynnal seminar rhyngweithiol, yn rhad ac am ddim, i ddod ag arferion mwyaf cyfredol ar hyd a lled yr Alban ynghyd. Rhannwyd profiadau gyda Gwasanaethau Cyhoeddus Albanaidd a dysgwyd llawer o’u profiadau nhw. Erbyn diwedd y seminar, roedd cynrychiolwyr yn gallu dewis ac addasu dulliau ar gyfer anghenion hysbysiadau cyhoeddus (PINS) eu sefydliadau nhw, gan eu galluogi nhw i gyflawni mwy gyda llai o adnoddau.

At bwy mae’r seminar wedi ei anelu?

• Awdurdodau Lleol: Gwasanaethau Cyfreithiol; Cynllunio; Trwyddedu; Hysbysiadau Cyffredinol; Swyddogion Cynhwysiant Digidol;
• Adrannau Priffyrdd Sector Cyhoeddus;
• Swyddogion Llywodraeth Cymru;
• GIG Cymru: Grwpiau Ymgynghori Cleifion a’r Cyhoedd a Chynghorau Iechyd Cymunedol;
• Parciau Cenedlaethol;
• Awdurdodau Heddlu; a
• Gwasanaethau Tân ac Achub

Amlinelliad o’r seminar

Roedd y seminar yn cynnwys cyflwyniadau gan:

• Cyflwyniad gan Alistair Blair – The Potent Mix [PDF 4.2MB Agorir mewn ffenest newydd]
  Y manteision o fabwysiadu'r dull gweithredu hwn
• Cyflwyniad gan Tina Mclelland - Gwasanaeth Gwella yr Alban [PDF 2.8MB Agorir mewn ffenest newydd]
  Deall sut i wneud newidiadau digidol yn bennaf i wasanaethau a sicrhau y caiff pob sector yn eich cymuned ei gynnwys

Roedd y seminar hefyd yn cynnws gweithdai ar sut i wella’ch adrodd gan:

• Gweithdy gan Adran Cynllunio Cyngor Dinas Glasgow [PDF 2.6MB Agorir mewn ffenest newydd]
• Gweithdy ar Adran Ffyrdd East Lothian (Priffyrdd) [PDF 551KB Agorir mewn ffenest newydd]
• Gweithdy gan Gyngor Bwrdeistref Sirol Wrecsam [PDF 596KB Agorir mewn ffenest newydd]

Pryd a ble

Dydd Iau 13eg o Fawrth 2014, 10:00 – 16:00,
Stadiwm SWALEC, Sophia Walk, Caerdydd, CF11 9SZ