Trawsgrifiad fideo [Word 21KB Agorir mewn ffenest newydd]
Mae gan graffu rôl allweddol o fewn hunan-reoleiddio a hybu gwelliant, effeithiolrwydd a chydweithio ledled gwasanaethau cyhoeddus. Mae hyn yn gynyddol wir yn achos ymateb i'r her o'r sefyllfa ariannol fyd-eang, tra ar yr un pryd yn parhau i geisio gwella gwasanaethau. Ond a yw craffu yn cael effaith? Ydych chi'n cael gwerth am arian? A sut ydych chi'n gwybod hynny?
Roedd y gynhadledd yn cynnwys prif anerchiad gan y Gweinidog Llywodraeth Leol a Busnes y Llywodraeth, Lesley Griffiths ac Archwilydd Cyffredinol Cymru, Huw Vaughan Thomas. Hefyd, fe glywodd y cynrychiolwyr gan ystod o siaradwyr arbenigol.
Wrth fynychu roedd cynrychiolwyr yn cael:
- gwell dealltwriaeth o rôl gyfnewidiol a photensial craffu;
- ffocws cliriach o ble y gellir gwneud gwelliannau i drefniadau craffu;
- syniadau ar sut i wthio newidiadau ac arloesedd ymlaen drwy rannu profiadau a syniadau.
Roedd y gynhadledd wedi ei anelu at yr isod:
- Prif Weithredwyr
- Arweinwyr
- Aelodau a Phencampwyr Craffu
- Cadeiryddion Pwyllgorau Archwilio
- Penaethiaid Gwasanaethau Democrataidd
- Penaethiaid Polisi a Swyddogion Craffu
- Yr angen allweddol yw eu bod yn deall y rhan sydd ganddyn nhw i'w chwarae wrth ddarparu craffu effeithiol.
Cynhaliwyd y gynhadledd rhwng 9.15yb a 4.45yp ar ddydd Iau 28ain Tachwedd 2013 yn Stadiwm SWALEC, Caerdydd.