Ynglŷn â'r Pwyllgor Sicrwydd Risg ac Archwilio

Sefydlwyd y pwyllgor gan Swyddfa Archwilio Cymru i gefnogi'r Bwrdd a'r Swyddog Cyfrifyddu drwy adolygu cynhwysedd a dibynadwyedd sicrwydd ar lywodraethu, rheoli risg, yr amgylchedd rheoli a chywirdeb datganiadau ariannol a'r adroddiad blynyddol.

Mae'r Pwyllgor yn cynnwys dau aelod anweithredol o Swyddfa Archwilio Cymru, un ohonynt yn Gadeirydd y Pwyllgor; un aelod annibynnol; ac aelod etholedig o'r Bwrdd.

Aelod Annibynnol o’n Pwyllgor Sicrwydd Risg ac Archwilio

Bydd gan yr ymgeisydd llwyddiannus ymhlith sgiliau eraill, y profiad o weithio ar lefel Bwrdd yn y sector cyhoeddus, y sector preifat neu'r trydydd sector, profiad ariannol diweddar a pherthnasol a dealltwriaeth o rôl a pherthnasedd archwilio cyhoeddus. Rydym yn chwilio am unigolyn sydd â gwybodaeth a phrofiad sy'n ategu galluoedd aelodau presennol y Pwyllgor. Byddai profiad o un neu fwy o'r canlynol yn cael ei groesawu'n fawr.

• llywodraethu, sicrwydd a rheoli risg.
• archwilio mewnol.
• archwilio allanol.
• technoleg gwybodaeth, seiberddiogelwch / Deallusrwydd Artiffisial.

Ar y cyd ag aelodau eraill y Pwyllgor, bydd yr ymgeisydd llwyddiannus yn:

1. mynychu a chwarae rhan lawn yn y gwaith o gynnal cyfarfodydd y Pwyllgor.
2. cyfrannu at adroddiad ffurfiol blynyddol y Pwyllgor i'r Bwrdd ar ei weithgareddau; a
3. mynychu unrhyw weithgareddau dysgu a datblygu a chymryd rhan mewn gweithgareddau eraill yn unol â chais y Bwrdd neu'r Swyddog Cyfrifyddu.

Y gydnabyddiaeth ariannol yw £5,000 y flwyddyn. Bydd treuliau sy’n cael ei wario yn ystod eich dyletswyddau ar y Pwyllgor yn cael eu had-dalu yn unol â pholisi teithio a chynhaliaeth y Bwrdd.

Mwy o fanylion

Gallwch ddarganfod mwy am y cyfrifoldebau, y sgiliau a'r profiad sydd eu hangen ar gyfer y rôl yn swydd ddisgrifiad Aelod Annibynnol o’n Pwyllgor Sicrwydd Risg ac Archwilio.

Os oes gennych unrhyw gwestiynau neu os hoffech drafodaeth anffurfiol gyda Chadeirydd y Pwyllgor ynghylch y rôl a'r broses, e-bostiwch BoardandCommittee.Support@audit.wales

Y dyddiad cau ar gyfer ceisiadau yw hanner nos ar 24 Mai 2024.