Rydym wedi cyhoeddi ein hadroddiad Cydraddoldeb ar gyfer 2021-2022, yn ogystal â'n Cynllun Cydraddoldeb Strategol ar gyfer 2022-26.
Mae ein hadroddiad Cydraddoldeb yn edrych ar y cynnydd rydyn ni wedi'i wneud tuag at gyflawni ein hamcanion cydraddoldeb rhwng 1 Ebrill 2021 a 31 Mawrth 2022.
Rydym yn falch o'r cynnydd rydym wedi'i wneud hyd yn hyn gyda'r rhan fwyaf o'r amcanion cydraddoldeb a osodwyd gennym yn ein Cynllun Cydraddoldeb Strategol blaenorol yn cael ei fodloni. Mae ein bwlch cyflog rhwng y rhywiau wedi lleihau i 12% ac mae llawer o'n hadroddiadau archwilio wedi taflu goleuni ar anghydraddoldebau yn ein cymdeithas. Edrychodd un astudiaeth ddiweddar ar effeithiolrwydd trefniadau asesu effaith ar draws sector cyhoeddus Cymru.
Ar y cyfan, cydnabyddwn fod gennym waith i'w wneud o hyd. Rydym wedi ymrwymo i fod yn gyflogwr o ddewis a chynyddu amrywiaeth ein gweithlu. Mae ein Cynllun Cydraddoldeb Strategol ar gyfer 2022-26 yn gosod cyfres newydd o amcanion ar gyfer cydraddoldeb, amrywiaeth a chynhwysiant.
Bydd symud y diawl ar rai mesurau amrywiaeth yn cymryd amser ac felly rydym yn angerddol am ehangu ein gwaith allgymorth fel rhan o'n strategaeth recriwtio dan hyfforddiant a phrentisiaid. Credwn y bydd hyn yn cynyddu ein hamrywiaeth, yn ogystal â'n helpu i ddenu'r talent gorau a sicrhau ein bod yn cynrychioli'r cymunedau rydyn ni'n gweithio ynddyn nhw. Roeddem yn falch iawn o fod yn rhan o gyrff eraill y sector cyhoeddus yn nigwyddiad cyntaf Partneriaeth Busnes Symudedd Cymdeithasol yng Nghymru, a chydweithio â hwy, eleni, gyda'r nod o chwalu'r rhwystrau i fyfyrwyr o gefndiroedd incwm isel wrth geisio dilyn gyrfa broffesiynol.
Rydym hefyd yn ymdrechu i sicrhau bod ein gwaith yn hygyrch ac yn gynhwysol - gan alluogi pobl Cymru i ymgysylltu â ni mewn ffordd sy'n hawdd ac ystyrlon iddyn nhw.
Yn fewnol, rydym am ddarparu diwylliant lle gall pawb ffynnu, a byddwn yn gweithio gyda'n rhwydweithiau staff i benderfynu ar lefelau'r gefnogaeth sydd ei angen ac i ddysgu o brofiadau staff. Byddwn hefyd yn adnewyddu ac yn diweddaru ein hyfforddiant cydraddoldeb, amrywiaeth a chynhwysiant gorfodol ac yn adolygu ein canllawiau cydraddoldeb yn rheolaidd. Mae pob aelod o staff yn haeddu teimlo eu bod yn ddiogel, yn cael eu parchu a'u gwerthfawrogi yn Archwilio Cymru a byddwn yn parhau i gasglu adborth er mwyn sicrhau bod hyn yn digwydd
