Rydym wedi gosod ReadSpeaker webReader, sy'n caniatáu i ymwelwyr drosi cynnwys ar-lein yn sain ar unwaith ar ein gwefan.
Cliciwch ar yr eicon uchod i roi cynnig arni, a manteisiwch ar yr ystod lawn o nodweddion defnyddiol Darllenyddwe trwy glicio ar y ddolen isod.
Gwefan Readspeaker
Mae'r datganiad hygyrchedd hwn yn berthnasol i www.archwilio.cymru. Mae'r wefan hon yn cael ei rhedeg gan Archwilio Cymru. Rydym am i gynifer o bobl â phosibl allu defnyddio'r wefan hon.
Gweld datganiad hygyrchedd
Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau nad ydynt wedi'u rhestru ar y dudalen hon neu'n credu nad ydym yn bodloni gofynion hygyrchedd, cysylltwch â:
post@archwilio.cymru
Rydym wedi datblygu ein sylwadau i hysbysu’r cyhoedd ehangach a’r rhai hynny sy’n gyfrifol am graffu ar Lywodraeth Cymru.
Disgrifiodd ein Cynllun Blynyddol 2020-21 sut y byddem yn ceisio cael ystod ehangach o gynulleidfaoedd i ymgysylltu â chanlyniadau ein harchwiliadau blynyddol o gyrff cyhoeddus, ac mae ein sylwadau ar Gyfrifon Cyfunol 2019-20 Llywodraeth Cymru a’r ffeithlun yn dangos hyn.
Mae sylwadau newydd yr Archwilydd Cyffredinol yn nodi gwybodaeth allweddol ar gyfer y cyhoedd a’r rhai hynny sy’n gyfrifol am graffu.
Mae’n sylwadau yn egluro’r broses gyfrifon ac yn ymhelaethu ar yr wybodaeth yn y Cyfrifon Cyfunol, sy’n elfen allweddol o atebolrwydd Llywodraeth Cymru i’r Senedd a’r cyhoedd. Mae hefyd yn defnyddio canlyniadau ein gwaith o archwilio materion yn ymwneud â threfniadau llywodraethu a gweinyddu Llywodraeth Cymru drwy ein rhaglen ehangach o waith archwilio.
Cyhoeddodd yr Archwilydd Cyffredinol farn amodol ar gyfrifon 2019-20 gan fod hepgoriad perthnasol o ran gwariant yn ymwneud â rhai grantiau busnes y byddai busnesau yn eu cael mewn ymateb i bandemig Covid-19.
Mae Llywodraeth Cymru yn anghytuno â barn yr Archwilydd Cyffredinol ar y driniaeth gyfrifyddu a weithredwyd ac o’r herwydd, yn anghytuno â’r amod.
Byddai cynnwys y gwariant hwn wedi dangos bod Llywodraeth Cymru wedi gwario mwy na’i therfyn gwariant net awdurdodedig a gymeradwywyd gan y Senedd ar gyfer 2019-20 ac felly mae’n afreolaidd.
Mae’n bwysig nodi bod yr amod wedi’i seilio ar y gofynion cyfrifyddu i gynnwys y gwariant hwn yng nghyfrifon 2019-20 ac nid yw’n farn ar natur y cyllid na’i werth am arian.
Mae pwysau sylweddol ar bob agwedd ar wasanaethau cyhoeddus, wrth i bob un ymdrin ag effaith a heriau COVID-19. Mae cynlluniau gwario yn cael eu diweddaru’n barhaus ac mae modelau darparu gwasanaethau yn cael eu hadolygu’n gyson.
Bydd yr Archwilydd yn ystyried effaith y rhain ar ei archwiliad o Gyfrifon Cyfunol Llywodraeth Cymru ar gyfer 2020-21.