Symudodd Bwrdd Iechyd Prifysgol Hywel Dda grwpiau o staff i Ganolfannau Gofal Integredig Hywel Dda yn Aberaeron ac Aberteifi. Yn dilyn y symud, gwahoddodd Bwrdd Iechyd Prifysgol Hywel Dda yr Anthropolegydd Dr Luci Attala o’r Drindod Dewi Sant i gynnal astudiaeth i edrych ar sut mae gweithwyr wedi negodi'r newid o weithleoedd traddodiadol i amgylchedd desg boeth cynllun agored mewn meysydd anghlinigol.

Bydd y digwyddiad yn rhannu canfyddiadau ac argymhellion yr adroddiad, yn ogystal â chynnig syniadau ar ffyrdd all trefi ddadansoddi eu sefyllfa bresennol er mwyn ffurfio eu dyfodol.

Hefyd bydd yr Athro Karel Williams o Brifysgol Manceinion, economegydd sydd wedi gwneud ymchwil ar yr economi sylfaenol yn rhannu canfyddiadau ei adolygiad diweddar o dair tref yng Nghymru. Bydd Ian Williams o Lywodraeth Cymru hefyd yn dychwelyd er mwyn rhannu ei safbwynt a’i ymateb i adroddiad yr astudiaeth.