Mae'r digwyddiad, sy'n digwydd ar 6 Tachwedd, yn cael ei gynnal fel rhan o Wythnos Genedlaethol yr Ymddiriedolwyr gan Swyddfa Archwilio Cymru ar y cyd â'r Comisiwn Elusennau ac Arfer Da Cymru.

Mae wedi'i gynllunio ar gyfer y rheini sy'n gyfrifol am lywio busnes elusen - p'un a ydynt yn ymddiriedolwyr, cyfarwyddwyr, aelodau bwrdd, llywodraethwyr neu aelodau pwyllgor. Bydd y digwyddiad yn rhannu'r arferion mwyaf cyfredol o bob cwr o Gymru a thu hwnt.

Heddiw, mae'r Archwilydd Cyffredinol yn cyhoeddi ymgynghoriad ar God Ymarfer Archwilio a Datganiad o Arfer diwygiedig sy'n ymwneud â swyddogaethau archwilio, asesu ac arolygu arbennig ar gyfer gwella llywodraeth leol.

Mewn ymateb i ofynion cyfreithiol newydd, a gan ystyried blaenoriaethau strategol ei ddull archwilio dros y tair blynedd nesaf, mae'r Archwilydd Cyffredinol yn cynnig gwella ac ymestyn yr egwyddorion sylfaenol ar gyfer y rhai sy'n gwneud gwaith ar ei ran.

Ar y cyfan, mae sefydliadau addysg uwch Cymru mewn sefyllfa ariannol gadarn ac mae Llywodraeth Cymru a Chyngor Cyllido Addysg Uwch Cymru (CCAUC) wedi rhoi polisi ffioedd dysgu ar waith yn effeithiol. Dyna yw casgliad adroddiad newydd gan Archwilydd Cyffredinol Cymru, ond datgelodd hefyd y gallai Llywodraeth Cymru fod wedi gwneud mwy i arfarnu opsiynau polisi ar ffioedd dysgu ddiwedd 2010, cyn rhoi'r trefniadau cyfredol ar waith ar ddechrau blwyddyn academaidd 2012/13, a bod y costau a amcangyfrifir wedi cynyddu ers cyhoeddi'r polisi.

Archwilydd Cyffredinol Cymru – Prif Araith – Cynhadledd Goleuni ar Graffu [PDF 278KB Agorir mewn ffenest newydd]

Mae plant a phobl ifanc sy'n defnyddio gwasanaethau iechyd meddwl yng Nghymru yn parhau i gael eu rhoi mewn perygl. Dyma gasgliad adolygiad dilynol ar y cyd gan Arolygiaeth Gofal Iechyd Cymru a Swyddfa Archwilio Cymru a gyhoeddwyd heddiw.

Canolbwyntiodd yr adolygiad ar y camau a gymerwyd gan Lywodraeth Cymru a byrddau iechyd mewn ymateb i bryderon yn ymwneud â diogelwch a nodwyd yn adroddiad Gwasanaethau Iechyd Meddwl Plant a'r Glasoed (CAMHS) a gyhoeddwyd yn 2009.

Caiff pobl yng Nghymru eu hannog i gwblhau arolwg byr i helpu astudiaeth newydd bwysig o Wasanaethau Iechyd yr Amgylchedd, sy'n cael ei lansio gan Swyddfa Archwilio Cymru.

Bydd yr ymchwiliad yn ystyried pa mor dda y mae cynghorau lleol yn darparu'r gwasanaethau eang sy'n perthyn i gategori iechyd yr amgylchedd. Mae'r gwasanaethau hynny'n cynnwys:

Roedd Llywodraeth Cymru wedi dilyn y gweithdrefnau perthnasol ar y pryd ar gyfer cymeradwyo a rheoli arian grant i Fferm Bysgod Penmon, Ynys Môn. Ond, nid oedd y gweithdrefnau hyn yn addas ar gyfer prosiect mor fawr, cymhleth a mentrus â hwn, gyda £5.2 miliwn o arian cyhoeddus yn y fantol. Er i'r prosiect gyflawni ei brif amcanion, mae adroddiad Archwilydd Cyffredinol Cymru, a gyhoeddir heddiw, yn dangos i broblemau godi pan oedd y fferm ar waith, gan achosi llygredd a niwsans maes o law.

Wedi'u hysgrifennu gan staff ar hyd a lled y sefydliad, mae ein blogiau'n rhoi gwybodaeth am ein gweithgareddau a'n hastudiaethau. Beth am i chi ddilyn ein blog a chofrestru i dderbyn e-bost pob tro y mae blog newydd yn cael ei uwchlwytho? Ewch ein blog [Agorir mewn ffenest newydd].

Gweithredodd Cyngor Bwrdeistref Sirol Caerffili yn anghyfreithlon pan dalodd ei Brif Swyddogion i 'brynu' eu hawliau i Lwfans Defnyddiwr Car Hanfodol (ECUA) a Lwfans Gwyliau Blynyddol (ALA). Mae Anthony Barrett, yr Archwilydd Penodedig, wedi cyhoeddi adroddiad er mwyn tynnu sylw'r cyhoedd at fethiant mewn trefniadau llywodraethu yn y Cyngor ac at ddiffygion yn y prosesau a fabwysiadodd wrth wneud y taliadau hyn. 

Tra canolbwyntiodd adroddiad cynnydd cyntaf Swyddfa Archwilio Cymru ar bennu amcanion cydraddoldeb a gwneud trefniadau i gasglu gwybodaeth berthnasol, mae'r adroddiad hwn yn canolbwyntio ar sut rydym wedi dechrau integreiddio ein gwaith cydraddoldeb yn ein polisïau a'n harferion gwaith.